Umakyat na sa 550 drug suspects ang napapatay sa inilunsad na drug operation simula nang maupo sa pwesto si Pangulong Rodrigo Duterte.
Sa datos ng PNP mula July 1 hanggang August 12, lumalabas na pinakaraming naitalang napatay na drug suspect sa NCRPO na umabot sa 148.
Pumapangalawa ang PNP Region 3 na umabot sa 130 drug suspects at pangatlo ang PNP Region 4-a na may bilang na 69.
Umakyat na rin sa halos Walong libo ang mga naarestong drug suspects.
Habang higit 516,000 drug user at higit 34,000 drug pushers ang kusang loob na sumuko sa pulisya.
Samantala, umabot naman na sa mahigit 284,000 na mga kabahayan ang kinatok ng mga pulis sa ilalim ng Oplan Tokhang.
By: Meann Tanbio / (Reporter No. 31) Jonathan Andal
