Umakyat na sa 5 katao ang bilang ng mga nasawi sa iba’t ibang bahagi ng bansa dahil sa pananalasa ng Bagyong Ofel.
Batay sa report ng lokal na pamahalaan ng Cebu City, 2 ang kumpirmadong patay sa lungsod mula sa Barangay Buhisan at Lorigan dahil sa pagbaha.
Kaugnay nito, 3 bata naman ang napaulat na nasawi matapos na malunod sa ilog sa Pototan, Iloilo.
Sa ngayon, hindi pa naman naglalabas ng opisyal na report ang National Disaster Risk Reduction and Management Council (NDRRMC) hinggil sa kabuuang bilang ng mga nasawi dahil sa bagyo.
