Bubuksan ang ginagawang expressway mula Ninoy Aquino International Airport Terminal 1 at 2 patungong Entertainment City.
Ngunit ayon sa pamunuan ng South Luzon Expressway o SLEX, eklusibo lamang ito para sa mga dadalo sa Asia Pacific Economic Cooperation (APEC) Summit sa Nobyembre.
Paliwanag ni Alec Cruz, Head of Operations ng Skyway, SLEX at Star Tollway, hindi pa tapos ang konstruksyon dahil may mga usapin pang dapat ayusin.
Ang nasabing expressway ay ang phase 2-A sa NAIA Skyway Project na una nang tinarget ng gobyerno na matapos ngayong Oktubre.
Matatagpuan naman sa Pasay City ang phase 2 ng proyekto na siyang nag-uugnay sa Skyway sa bahagi ng Park and Fly.
By Jaymark Dagala
