Namemeligrong sumiklab ang World War 3 sa oras na sakupin ng Russia ang kabuuan ng Ukraine.
Ito ang ibinabala ni Ukrainian Minister for Veteran Affairs Yuliia Laputina, sa gitna ng preparasyon ng russian forces sa posibleng pag-atake sa Ukraine “anumang oras”.
Ayon kay Laputina, handa nilang depensahan ang kanilang bansa laban sa panibagong pag-atake ng Russia.
Gayunman, posible anyang kumalat ang kaguluhan maliban sa Ukraine o Europa, kung hindi mapipigilan si Russian President Vladimir Putin sa plano nito.
Batay sa mga intel report ng US-Central Intelligence Agency at British MI–6, posibleng ilunsad ng Russia ang pag-atake sa Ukraine, sa Enero ng susunod na taon.
