Hindi magiging homicide ang kasong murder na kinakaharap ni Lance Corporal Joseph Scott Pemberton.
Binigyang diin ito ni Justice Secretary Leila de Lima matapos aminin ni Pemberton na sinakal niya si Jennifer Laude.
Sa halip, sinabi ni de Lima na pinalakas pa ng nasabing testimonya mismo ni Pemberton ang murder case laban dito base na rin sa mga ebidensyang nauna nang iniharap ng Department of Justice (DOJ) prosecutors hinggil sa kaso.
Nilinaw pa ni de Lima na tiyak namang haharangin ng government prosecutors ang anumang hakbang ng depensa na ibaba sa homicide ang murder case laban kay Pemberton.
By Judith Larino
