Nilinaw ng Land Transportation Franchising and Regulatory Board (LTFRB) na hindi pa rin pinapayagang magbalik-operasyon ang Angkas motorcycle taxis.
Ito ay kasunod ng nagsulputang balita kaugnay sa pag-apruba umano ng Inter-Agency Task Force (IATF) sa pagbabalik-operasyon ng motorcycle taxis.
Paliwanag ng LTFRB, ang tinitingnan pa lamang ng IATF na papayagan ay ang mga private motorcycles na mag-aangkas.
Gayunman, pinag-aaralan pa rin anila hanggang sa ngayon ang pinakaligtas at epektibong paraan ng pag-aangkas upang maging ligtas sa coronavirus disease 2019 (COVID-19).
Samatala, naisumite naman ng LTFRB ang kanilang rekomendasyon sa kongreso kaugnay sa pagpayag na makabalik sa pagbiyahe ang mga motorcycle taxis.
