Blangko pa rin ang Philippine National Police (PNP) sa motibo sa pagpatay kay dating Batangas 2nd District Rep. Edgar Mendoza.
Ito ay matapos na atasan ng Dept. of Justice (DOJ) ang National Bureau of Investigation (NBI) na imbestigahan ang nasabing insidente.
Huwebes, Enero 9 nang makatanggap ng tawag ang Tiaong Police Station mula sa isang senior citizen hinggil sa nasusunog na sasakyan sa Tiaong, Quezon.
Agad namang rumesponde ang mga bumbero at pulis sa naturang lugar kung saan tumambad sa kanila ang tatlong bangkay sa loob ng nasabing sasakyan.
Kinilala ng pulisya ang dalawa pang biktima bilang ang driver ni Mendoza na si Ruel Ruiz, at ang kaniyang aide na si Nicanor Mendoza.
Matatandaang, una nang napaulat na nawawala si Mendoza.
