Pinagbibitiw na ni Pangulong Rodrigo Duterte si PhilHealth President at CEO Ricardo Morales sa pwesto.
Ayon kay Justice Secretary Menardo Guevarra, binanggit ni Pangulong Duterte sa isinagawang pagpupulong ng gabinete at mga miyembro ng Inter-Agency COVID-19 Task Force noong Lunes sa Davao City ang on and off health situation ni Morales.
Sinabi aniya ng pangulo na mas makakabuting magbitiw na lamang sa pwesto ang kontrobersyal na si Morales dahil na rin sa lagay ng kanyang kalusugan.
Matatandaang naghain kamakailan ng medical leave si Morales para sumailalim sa chemotherapy dahil sakanyang lymphoma.
