Pinag-iingat ng Philippine Coast Guard (PCG) ang mga residente sa lugar na apektado ng bagyong Ineng gayundin ng habagat.
Tiniyak pa ni Coast Guard Spokesman Commander Armand Balilo na nakaalerto na ang kanilang rescue unit at special operations group sa mga lugar na apektado ng habagat at bagyong Ineng tulad ng Calayan at Babuyan Group of Islands.
Muling ipinaalala ng Coast Guard na bawal maglayag ang mga sasakyang pandagat sa lahat ng lugar na may nakataas na storm signal.
Pinayuhan din ni Balilo ang mga mangingisda na patuloy na i-monitor ang lagay ng panahon bago pumalaot.
By Judith Larino
