Patuloy na nadaragdagan ang mga pulis na nagpopositibo sa coronavirus disease 2019 (COVID-19).
Batay sa pinakahuling datos ng Philippine National Police (PNP), 78 na ang kabuuang bilang ng mga pulis na tinamaan ng naturang sakit.
Nasa 96 na pulis naman ang itinuturing na probable case habang 596 naman ang suspected COVID-19 cases.
Nananatili naman sa 12 ang mga pulis na nakarekober sa sakit at tatlo naman ang nasawi.
Samantala, inaabisuhan naman ang mga pulis na makakaramdam ng sintomas ng COVID-19 na tumawag sa PNP Health Service.
