Patuloy na nadaragdagan ang bilang ng mga health workers na nagpopositibo sa coronavirus disease 2019 (COVID-19).
Batay sa pinakahuling tala ng Department of Health (DOH), umakyat na sa 14,257 ang kabuuang bilang ng mga health workers na nahawaan ng sakit, matapos na madagdagan ng 423 kahapon.
Mula sa nabanggit na bilang 321 dito ay aktibong kaso at patuloy na nagpapagaling o di kaya’y naka-quarantine.
Samantala, pumalo naman sa 13,858 ang total recoveries matapos na gumaling ang 378 na health workers kahapon.
Nadagdagan naman ng dalawa ang bilang ng mga nasawi dahilan para umakyat ang death toll sa 78.
