Binigyan na ng go signal ng Korte Suprema ang pag-rerelease ng mga dokumentong hinihingi ni Atty. Lorenzo Gadon.
Ito ay may kaugnayan sa lahat ng mga aksyon ni Supreme Court Chief Justice Maria Lourdes Sereno sa hudikatura.
Sa walong pahinang resolusyon ng Supreme Court (SC) en banc, pinagbigyan nito ang kahilingan ni Gadon na makakuha ng kopya ng mga dokumento na kanyang gagamiting ebidinsiya sa isasampang impeachment complaint laban kay Sereno.
Kaugnay nito, inatasan na rin ng Korte Suprema ang Clerk of Court en banc na ipagkaloob kay Gadon ang certified true copies ng mga hinihingi nitong dokumento.
Kabilang sa mga nasabing dokumento ay ang kopya ng SALN o Statement of Assets, Liabilities, and Net Worth ni Sereno, mga resolusyon ng mga kautusan nito, lokal at abroad na pagbiyahe, pagtalaga ng mga empleyado sa hudikatura at pagbili ng luxury car.
