Naaalarma ang Philippine National Police (PNP)sa patuloy na pagpuslit ng mga iligal na droga dito sa bansa.
Bunsod nito, kinalampag ni PNP Chief Director General Ricardo Marquez ang PNP Maritime Group upang tumulong sa pagsugpo ng illegal durgs.
Partikular na pinababantayan ni Marquez sa PNP Maritime Group ang mga bangka na posibleng nagdadala ng mga ipinagbabawal na gamot.
Aminado si Marquez na pahirapan ang pagbabantay sa 36,000 milyang coastline o baybaying dagat ng Pilipinas kung saan ang ibang iligal na droga ay dito ipinapasok.
Mayroon ding ilan na idinadaan sa legal na paraan ang pagpasok ng ipinagbabawal na gamot sa pamamagitan ng mga pantalan na binabantayan ng Bureau of Customs (BOC) kung saan isinasama sa mga container halimbawa ng asin ang mga droga.
By Meann Tanbio | Jonathan Andal