Patay ang 2 construction workers habang sugatan naman ang isa pa, sa pagbagsak ng metal beams sa isang construction site sa Quezon City.
Ayon sa La Loma police, ang mga nasawing biktima ay kinilalang Sina Arnel Esquitado at Rex Dela Rosa habang ang isa namang sugatan ay ang kasamahan ng mga ito na si Richard Gregorio.
Batay sa inisyal na imbestigasyon ng mga otoridad, habang naglalagay ng beam at hinihila ng mga biktima ang chain block ay nawala sa balanse at bumagsak ang metal boom na gamit ng mga ito dahilan naman para mahulog ang mga ito sa taas na 12 metro.
Agad na naisugod sa ospital ang mga biktima, ngunit dineklara rin dead on arrival sina Esquitado at Dela Rosa.
Sa ngayon ay nagpapatuloy pa rin ang isinasagawang imbestigasyon sa nangyaring insidente.
