Napagkasunduan ng Metro Manila Mayors na iksian ang curfew hours ng alas-12 ng hatinggabi hanggang alas-3 ng madaling araw.
Ito ay para bigyan daan ang nalalapit na tradisyunal na simbang gabi.
Ayon kay Metro Manila Council Chairman at Paranaque Mayor Edwin Olivarez, bagamat ito ang napagkasunduan ng Metro Mayors ay kakailangan parin nilang hintayin ang ilalabas na pag-amyenda sa mga naunang ordinansa sa curfew sa bawat lungsod.
Samantala, una nang sinang-ayunan ng Metro Mayors ang pagpapalawig ng General Community Quarantine (GCQ) sa NCR hanggang katapusan ng buwan kasabay ng nais nilang pagpapaikli sa curfew hours upang maidaos ang simbang gabi.
