Mariing kinondena ng Palasyo ng Malacañang ang naganap na magkasunod na pagsabog sa Jolo, Sulu na ikinamatay ng 12 katao.
Ayon kay Presidential Spokesman Atty. Harry Roque, nais nilang ipa-abot ang kanilang taos pusong pakikiramay sa lahay ng ka-anak at mga mahal sa buhay ng mga biktimang nasawi sa pagsabog.
Dahil dito, tiniyak naman ni Roque na ini-imbestigahan na ng mga otoridad ang madugong trahedya at agad aniyang isasapubliko ang pagkakakilanlan ng mga nasa likod ng naturang pag-atake.
Sa ngayon, umapela naman si Roque Sa publiko na manatiling maging alerto.
