Ipinag-utos na ni Vaccine Czar Carlito Galvez Jr. ang mas istriktong pagpapatupad ng mga health protocols dahil sa papalapit na kapaskuhan.
Ayon kay Galvez, ipinabatid na niya sa Philippine National Police (PNP) na tiyaking nasusunod ang standard health protocols upang maiwasan ang hawaan ng coronavirus disease 2019 (COVID-19).
Aniya, inatasan na rin ang mga opisyal ng lokal na pamahalaan at ang Metropolitan Manila Development Authority (MMDA) na mahigpit na ipatupad ang mga standard health protocols.
Sinabi pa ni Galvez, ipinag-utos na rin niya sa Department of Trade and Industry (DTI) na magsagawa ng regular na inspeksyon sa mga malls lalo na sa mga dining services gaya ng restaurants, at fast-food chains.
