Isinailalim sa enhanced community quarantine (ECQ) ang nasa 32 mga lugar sa bayan ng San Franciso sa Agusan Del Sur.
Ayon kay Solomon Rufila, San Francisco Agusan Del Sur Mayor, inilagay na sa ECQ ang 32 mga purok mula sa 10 barangay sa naturang bayan.
Epektibo ang naturang ECQ mula kahapon hanggang alas 5 ng hapon sa darating na Oktubre 31.
Sa ngayon nasa 57 na ang kabuuang kaso ng COVID-19 sa San Francisco, kung saan nasa 32 sa mga ito ang aktibo, at isa naman ang nasawi.
