Kasalukuyang naka-self quarantine si Defense Secretary Delfin Lorenza.
Ito ay matapos na mapositibo sa coronavirus disease 2019 (COVID-19) ang isa sa kanyang staff.
Ayon kay Lorenzana, nakasama nya sa Jolo, Sulu ang naturang staff ngunit hindi ito nagpunta sa event ni Pangulong Rodrigo Duterte.
Bumalik aniya sila sa Maynila kasama ang kanyang staff na naka-personal protective equipment (PPE).
Nakasama rin aniya ito sa Subic, Zambales sa pagbibigay ng blessing sa BRP Jose Rizal ng Philippine Navy.
Dahil dito, obligado aniya siya at iba pang mga staff na nakasama nito sa eroplano na sumailalim sa quarantine at swab testing.
Samantala, ito na ang ikalawang pagkakataon na nag-self quarantine si Lorenzana kung saan ang una ay nang makasalamuha nito si Armed Forces of the Philippines (AFP) Chief General Felimon Santos Jr. na nagpositibo rin sa COVID-19 noong nakaraang Mayo.
