Inihahanda na umano ni Pangulong Rodrigo Duterte ang listahan ng mga posibleng senatorial candidate na kanyang i-e-endorso sa 2022 national elections.
Ayon sa isang mataas na opisyal ng PDP-Laban, posibleng kasama sa listahan ang ilang re-electionist Senator at iba pang dating Senador, cabinet official at mga kilalang personalidad.
Kabilang umano rito sina Senators Juan Miguel Zubiri, dating Senador Jv Ejercito, Deputy Speaker Loren Legarda at Information and Communications Secretary Gregorio Honasan.
Lumulutang din sa listahan sina public works Secretary Mark Villar, Transportation Secretary Arthur Tugade, Labor Secretary Silvestre Bello at Presidential Legal Counsel Salvador Panelo.
Kasama din sina Cabinet Secretary Karlo Nograles, Communications Secretary Martin Andanar, Presidential Spokesman Harry Roque at mga kilalang personalidad na sina broadcaster Raffy Tulfo, tv host Willie Revillame at aktor na si Robin Padilla.—sa panulat ni Drew Nacino