Umarangkada na ang alok na libreng drive-thru swab testing ng lokal na Pamahalaang Lungsod ng Maynila.
Batay sa abiso, maari nang sumailalim sa libreng RT-PCR swab testing ang mga magnanais na magpa-test kahit na hindi taga-lungsod ng Maynila.
Aabot naman sa 100 katao kada araw ang maisa-swab sa kanilang swab site sa Quirino Grandstand mula alas -8 ng umaga hanggang alas-12 ng tanghali.
Gayunman, nilinaw naman ng Manila City government na “by appointment” ang pagpapatest para na rin mapangalagaan ang personal na impormasyon ng mga magnanais na magpasuri.
Para naman sa mga magnanais na sumailalim sa drive thru RT-PCR testing maaring makipag-ugnayan sa Manila Emergency Operating Center sa pamamagitan ng mga numerong 0905-242-3327; 0998-322-6367; 0963-602-3177; at 0955-587-5976.
