“Tawa na lang ang isasagot ko sa inyo”
Ito ang isinagot ni Senator Panfilo Lacson sa isang panayam, hinggil sa napaulat na naturukan na ito ng bakuna kontra COVID-19, kahit wala pang aprubadong bakuna ang pamahalaan.
Ayon pa sa senador, kung totoo man ito ay hindi rin aniya nito aaminin.
Magugunitang si Senate President Vicente Sotto III mismo ang nagbunyag sa DWIZ na nakapagpabakuna na sina Lacson at House Majority Leader Martin Romualdez kontra COVID-19.
Dagdag pa ni Sotto, nadinig umano niya ito mismo kay Romualdez noong Setyembre 16 kung saan dumalo sila sa isang pagpupulong kasama si Pangulong Rodrigo Duterte sa Malakanyang.
