Naghahanap ng daan-daang mangagawa ang Swedish home furniture retailer na IKEA, sa pagbubukas ng kanilang kauna-unahang store sa bansa na matatagpuan sa Mall Of Asia (MOA) complex Pasay City.
Sa anunsyo ng kumpanya, kabilang sa kanilang mga hinahanap ang posisyon na sales associate, food assistant, customer service associate, safety and security specialist, technician, karpintero at marami pang iba.
Bukas din umano ang kumpanya sa mga part-timers para sa piling posisyon gaya ng cashier at warehouse assistance.
Ang itinayong store ng IKEA sa MOA ay tinaguriang pinaka malaking store sa buong mundo at inaasahang magbubukas sa ika-2 bahagi ng taong 2021.
