Nilinaw ng Malakanyang na hindi nila ipapaaresto ang mga umano’y miyembro ng mga makakaliwang grupo na tinukoy ni Pangulong Rodrigo Duterte.
Ayon kay Presidential Spokesperson Harry Roque, ang tanging hiling lamang ng pamahalaan sa mga ito ay itigil na ang pagsanib sa New Peoples Army (NPA) na armadong grupo ng Communist Party of the Philippines (CPP).
Aniya, hindi na dapat paabutin pa ng mga ito na gumamit ng armas ang pamahalaan dahil magreresulta lamang ito ng pagkamatay ng mga sibilyan at sundalo.
Matatandaang idineklara ni Pangulong Duterte na mga komunista ang mga grupong Makabayan, Bayan at Gabriela kamakailan ,bagay na itinanggi naman ng mga ito.
