Labis na ikina-aalarma ng Palasyo ng Malacañang ang panibagong insidente ng pagkalason dahil sa pag-inom ng Lambanog.
Ito ay matapos na masawi ang 11 katao habang nasa higit 100 naman ang isinugod sa ospital matapos na maka-inom ng lambanog.
Ayon kay Presidential spokesman Salvador Panelo, dapat na maging mas maingat ang publiko sa anumang ini-inom at kinakain lalo na ngayong panahon ng Kapaskuhan.
Kaugnay nito, pinayuhan rin ni Panelo ang publiko na ugaliing i-check o suriin kung aprubado pa ng Food and Drug Administration (FDA) ang anumang produkto na kanilang kinokonsumo.
