Patuloy na nadaragdagan ang bilang ng mga Pilipino sa ibang bansa na nagpopositibo sa COVID-19.
Batay sa pinakahuling tala ng Department of Foreign Affairs (DFA), umakyat na sa 13,605 ang kabuuang bilang ng mga Pinoy abroad na nahawaan ng COVID-19, matapos na madagdagan ng 14 kahapon.
Nakapagtala naman ng dalawa pasyenteng nakarekober sa sakit dahilan para pumalo ang total recoveries sa 8,684 habang nananatili naman sa 941 ang bilang ng nasawi.
Samantala, mula sa kabuuang bilang ng nagpositibo 3,980 pa umano dito ang kasalukuyang nagpapagaling sa ibat ibang ospital sa buong mundo.
