Muling umaapela ang pamunuan ng Quiapo church sa Inter-Agency Task Force na dagdagan ang bilang ng mga debotong papayagang makapasok sa loob ng simbahan sa kapistahan ng itim na Nazareno.
Ayon sa Parochial Vicar ng Quiapo Church na si Father Douglas Badong, umaasa silang ikokonsidera ng IATF ang panawagan nilang dagdagan ng 50% ang kapasidad ng simbahan.
Samantala, hinihikayat naman ni Father Badong ang mga deboto na huwag nang magdala ng kaniya-kaniyang replika ng itim na Nazareno lalo na ang mga may karwahe.
Aniya, sayang kasi ang espasyo na masasakop nito na dapat sanay sa iba pang mga deboto.
Sa ngayon, ay handa na umano ang simbahan ng Quiapo maging ang buong pwersa ng Manila Police District sa posibleng pagdagsa ng mga deboto na dadalo sa kapistahan ng itim na Nazareno sa Enero 9.
