Nadagdagan pa ng 9 ang bilang ng mga Pilipino na nasa abroad na nagpositibo sa COVID-19.
Batay sa pinakahuling datos ng Department of Foreign Affairs (DFA), umakyat na sa 11,117 ang kumpirmadong kaso ng COVID-19 sa mga Pilipino mula sa 80 mga bansa at rehiyon.
Mula sa nasabing bilang, 3,134 dito ang patuloy na nagpapagamot sa iba’t ibang ospital.
Habang umakyat naman sa 7,172 ang kabuuang bilang ng mga overseas Filipinos na nakarecover sa naturang sakit, matapos na makapagtala ng 2 bagong paggaling.
Samantala, nadagdagan naman ng 1 ang napaulat na nasawi dahilan para pumalo sa 811 ang death toll ng mga Pinoy abroad.
