Binalaan ni Pangulong Rodrigo Duterte ang mga pulis na nagbabalak bumuo ng grupo gaya ng kuratong baleleng.
Ayon sa Pangulo, nakarating sa kanyang tanggapan ang ulat na may mga pulis sa Zamboanga Del Sur na nagtatayo ng sindikato.
Tiniyak naman ng Pangulo na mamamatay ng maaga ang mga nasabing pulis dahil hindi nito kayang kalabanin ang gobyerno.
Giit pa ng Pangulo, kahit na mapatay siya o di kaya’y sina Interior Secretary Eduardo Año at Defense Secretary Delfin Lorenzana ay mananatili paring buhay ang Republika ng Pilipinas.
