Patay ang isang miyembro ng teroristang grupong Abu Sayyaf matapos maka-engkwentro ng mga otoridad sa Zamboanga Del Norte.
Ayon kay Philippine National Police Anti-Kidnapping Group (PNP-AKG) Dir. Brig. General Jonel Estomo, kinilala ang suspek bilang si Jupuri Dais alyas Jupuri Nabua na sangkot sa iba’t-ibang kidnapping activities sa bansa, simula pa noong 2016.
Batay sa report ni Estomo kay PNP Gen. Debold Sinas, sisilbihan sana ng warrant of arrest ang nasabing suspect sa Barangay Sibuco, Zamboanga Del Norte nang bigla itong bumunot at nagpapaputok gamit ang kalibre 45 na baril.
Dahil dito, napilitan ang mga otoridad na gumanti ng putok na nagresulta sa pagkasawi nito.
Si Dais ay nabatid na dating miyembro ng Moro Islamic Liberation Front (MILF) bago ito maging aktibong miyembro ng Abu Sayyaf group, sa ilalim ng Almujir Yadah Estomo.
