Mas pinalawig pa ng Maynilad water services ang ipinatutupad nilang water service interruption.
Batay sa abisong ipinalabas ng Maynilad, ipinabatid nito sa kanilang mga konsyumer na iiral pa hanggang sa Nobyembre 29 ang rotational water service interruption.
Una rito, sinabi ng Maynilad na ang pagpapatupad ng water service interruption ay upang bigyang daan ang paglilinis ng tubig dahil sa pagtaas ng turbidity level o ang paglabo ng raw water bunsod ng mga nagdaang bagyo.
Gayunman, humingi naman ng paumanhin at pang-unawa ang Maynilad sa publiko.
Matatandaang hanggang kahapon lamang sana dapat iiral ang rotational water service interruption na ipinatupad ng Maynilad.
