Tinawag na ‘act of terrorism’ ni New York State Governor Andrew Cuomo ang nangyaring insidente nang pananaksak sa kasagsagan ng selebrasyon ng Jewish Festival sa New York.
Ayon sa Cuomo, inatake ng hindi pa nakikilalang suspek ang limang tao sa New York sa naturang selebrasyon.
Kaagad namang dinala sa pinakamalapit na ospital ang limang biktima –dalawa sa mga ito ay kritikal ang kalagayan, habang ang isa naman ay nagtamo ng anim na saksak.
Nagpaabot na rin ng mensahe si New York Attorney General Letitia James kasunod ng insidente.
Sa ngayon, patuloy namang iniimbestigahan ng mga otoridad ang nasabing insidente.
