Nauunawaan ng embahada ng Thailand sa Pilipinas ang ipinalabas na travel advisory laban sa kanilang bansa.
Ayon kay Thai Ambassador to the Philippines Thanatip Upatising, inabisuhan na siya ng Foreign Affairs Department ng Pilipinas bago pa man magtaas ng travel alert sa kanilang bansa.
Gayunman, tiniyak ng Thai Ambassador na ginagawa ng kanilang pamahalaan ang lahat upang maibalik sa normal ang sitwasyon at mapapanagot ang may sala.
Ginawa ng Pilipinas ang nasabing hakbang upang pag-ingatan ang mga Pilipinong nasa Thailand kasunod ng nangyaring pagsabog na ikinasawi ng mahigit 20 at ikinasugat ng mahigit 150 kabilang na ang isang Pilipina.
By Jaymark Dagala
