Nakatakas sa pagkakabihag ng bandidong Abu Sayyaf ang isang Indonesian national kaninang umaga.
Ito ang kinumpirma ni Major Filemon Tan, tagapagsalita ng Western Mindanao Command batay na ipinaabot na tip sa kanila ng ilang residente ng barangay Bual sa Bayan ng Luuk, lalawigan ng Sulu.
Kinilala ang bihag na si Mohammad Sayfan, 28-anyos at isa sa anim na tripulante ng Tugboat Charles na hinarang ng mga bandido noong Hunyo.
Nakita lamang ng mga residente si Sayfan na palutang-lutang sa karagatang sakop ng Barangay Bual at nakabalot sa lambat.
Isa si Sayfan sa mga idneklara ng mga bandido na pupugutan ng ulo ngunit nagpumilit umano itong gumawa ng paraan para makatakas.
Ayon kay Tan, dinala si Sayfan sa Sulu Provincial Police Office upang isailalim sa kaukulang proseso bago ito ibalik sa kanyang pamilya.
By Jaymark Dagala | Jonathan Andal (Patrol 31)
