Sa unang pagkakataon ay seryosong pinag-iisipan ng 90’s sexy star na si Ina Raymundo ang pagiging cover girl ng men’s magazine na FHM.
Halos 40-anyos na si Ina at lima na ang anak nito, ngunit makikita pa rin ang pag-aalaga nito sa kanyang katawan.
Ayon kay Ina, nai-inspire siya lalo na mag-gym ngayong batid nyang marami itong nai-inspire na maging maalaga rin sa katawan at kalusugan.
Dagdag ni Ina, payag naman ang kanyang asawa na mag-pictorial ito para sa FHM.
Ang tanging limit lang ani Ina, para sa sarili ay maging classy ang mga litrato dahil ayaw na nitong bumalik sa uri ng pagpapaseksi na ginawa niya noong dekada 90.
By Avee Devierte
