Iminungkahi ni Senate Committee on Energy Chairman Sherwin Gatchalian, na magkaroon ng sariling imbentaryo ng langis ang mga petroleum companies sa bansa, 15 araw para sa mga nag iimport at 45 araw naman para sa mga nag re-refine ng petrolyo.
Ito ay kasunod ng nangyaring drone attack sa 2 major oil facilities sa Saudi Arabia.
Ayon pa kay Gatchalian, dapat tignan ng Department of Energy na may imbentaryo ang bansa para matiyak na hindi mawawalan ng suplay ng langis at huwag ibenta ng mahal dahil nabili na ito sa murang presyo.
Itong mga petroleum companies dapat maglagay sila ng imbentaryo dito, 15 days para sa mga nag i-import at 45 days para sa nag re-refine ng petrolyo. So, Ibig sabihin dapat may imbentaryo sila dito sa atin na luma pa ang presyo.
Dagdag pa dito, tiniyak naman ni Gatchalian na agad nagpatawag ng emergency meeting ang Department of Energy sa nangyaring pag atake sa Saudi, para i-monitor ng mabuti ang sitwasyon.
At nakita ko naman noong nangyare ito sa Saudi Arabia, mabilis na nagpatawag ang DOE ng emergency meeting para po i-monitor mabuti ang sitwasyon,” ani Gatchalian. — sa panayam ng Ratsada Balita
