Isasara na sa mga motorista ang ilang kalsada malapit sa Manila North Cemetery dahil sa inaasahang pagdasa ng mga bibista sa mga sementeryo mula 10:00 p.m. bukas, hanggang sa Linggo, Nobyembre 3.
Batay sa abiso ng Manila Police District (MPD) Traffic Enforcement Unit, kabilang sa mga isasarang kalasada ang Aurora Boulevard mula Dimasalang hanggang sa Rizal Avenue.
Sarado rin ang kanto ng Dimasalang sa Makiling hanggang sa Blumentritt at ang bahagi ng P. Guevarra, Retiro at Leonor Rivera Street.
Samantala, pinaalalahanan naman ng mga otoridad na mahigpit na ipinagbabawal ang pagparada ng mga sasakyan sa kanto ng Retiro Street at Laong Laan.
