Nanatiling nasa malubhang kondisyon ang dalawa sa walong indibidwal na isinugod sa Philippine General Hospital (PGH) matapos na uminom ng lambanog.
Batay sa ulat, nasa ‘unstable condition’ pa rin ang dalawa at kinakailangan nang i-dialysis dahil sa mga komplikasyong tinamo ng mga ito –sa umano’y pagkakalason dahil sa lambanog.
Sa ngayon, nasa 129 na ang kabuuang bilang ng mga isinugod sa ospital matapos na maka-inom ng nasabing inumin, habang walo katao naman ang kumpiramadong nasawi.
