Magkakasa ng risk assessment ngayong araw ang inter-agency task force for the management of emerging infectious disease (IATF), upang malaman kung dapat na ituloy ang travel ban sa Taiwan dahil sa coronavirus disease (COVID-19).
Ayon kay Health Secretary Francisco Duque III, oras na matapos ang risk assessment ay maglalabas ng rekomendasyon ang task force kung itutuloy o aalisin ang travel ban sa Taiwan.
Paliwanag ng kalihim mas mabagal at mas mababa kasi ang kaso ng COVID-19 sa Taiwan kumpara sa China at Hong Kong.
Samantala, nagpatawag na rin ng special cabinet meeting si Taiwanese President Tsai Ing-Wen upang talakayin ang travel ban ng Pilipinas sa Taiwan.
