Nag-isyu ang Sandiganbayan 2nd Division ng mga hold departure order laban kina dating Agusan del Sur Representative Rodolfo Plaza at iba pa kaugnay sa umano’y pagkakasangkot sa P10 Bilyong pork barrel scam.
Inutusan na ng Sandiganbayan ang Bureau of Immigration na pagbawalang lumabas ng bansa sina Plaza, ang Chief of Staff nitong si Jasper Kapunan, at Budget Undersecretary Mario Relampagos pati na mga tauhan niyang sina Lalain Paule, Marilou Bare, at Rosario Nunez.
Kabilang din sa kautusan ang tinaguriang pork barrel scam mastermind na si Janet lim napoles at ang dati nitong empleyado na si Nitz Cabilao.
Nahaharap sina Plaza at iba pang mga nabanggit sa mga kasong graft at malversation dahil sa umano’y paglagak ng higit P50 Milyong pork barrel sa mga pekeng Non-Government Organization ni Napoles.
By: Avee Devierte
