Ipinaalala sa publiko ni Supreme Court Chief Justice Maria Lourdes Sereno na hindi pa pinal ang go signal ng Korte Suprema sa bail plea ni Senador Juan Ponce Enrile.
Gayunman, tumanggi nang magsalita si Sereno hinggil sa desisyon ng mayorya ng mga kapwa mahistrado niya na payagan ang pagpapiyansa ni Enrile sa kasong plunder.
Hindi rin sinagot ni Sereno ang tanong hinggil sa mga posibleng implikasyon nang pagbibigay sa bail plea ni Enrile dahil sa humanitarian.
Umapela si Sereno sa publiko na hintayin na lamang ang final ruling ng High Tribunal sa kaso dahil may motion for reconsideration pa naman.
Kasama ni Sereno sina Associate Justices Antonio Carpio, Marvic Leonen at Estela Perlas-Bernabe sa mga kumontra sa petition for bail ni Enrile.
By Judith Larino
