Naghain na ng motion for reconsideration sa Makati City Regional Trial Court (RTC) ang kampo ni dating RCBC branch manager Maia Deguito, kaugnay sa kaso nitong money laundering.
Nakasaad sa 54 na pahinang mosyon na isinumite ng kampo ni Deguito na hinihiling nito sa korte na baliktarin ang nauna desisyon laban kay deguito kung saan hinatulan itong guilty.
Ito ay kaugnay ng naging papel umano ni deguito sa $81 million na Bangladesh bank cyber heist.
Depensa naman ng abogado ni Deguito na si Atty. Demetrio Custodio, bigo ang korte na patunayang may alam si Deguito sa mga transaksiyon.
Matatandaang, Pebrero 16 ng taong 2016 nang ma-hack ang Bangladesh Bank, kung saan napunta ang $81 million na pondo nito sa Pilipinas sa pamamagitan ng RCBC Jupiter Branch sa Makati City.
