Inaprubahan na ni Pangulong Rodrigo Duterte ang dismissal ni Philippine Ambassador to Brazil Marichu Mauro, dahil sa pangma-maltrato nito sa kanyang Overseas Filipino Worker (OFW) na kasambahay.
Ito ay inanunsyo mismo ni Pangulong Duterte sa kanyang naging ulat sa bayan kagabi.
Bukod sa pagkatanggal sa serbisyo, binanggit rin ni Pangulong Duterte na kanyang ring babawiin ang mga benepisyo na dapat makukuha ni Mauro sa pagreretiro nito gayundin ang otomatikong pagkakadiskwalipika sa anumang posisyon sa gobyerno.
Matatandaang nakunan sa CCTV ang pangmamaltrato ni Mauro sa kanyang Pinay household helper sa loob ng kanyang diplomatic residence sa Brazil nakaraang taon.
‘Yung ambassador doon sa Brazil who maltreated a household helper, ito repeatedly inflicted physical harm doon sa tao. The recommendation was, and I signed the order, the other day or last night, I signed the document affirming the decision,” ani Pangulong Duterte.
