Maaring imbestigahan ng Kamara ang ginawang pambubugbog ni Iloilo First District Representative Richard Garin sa isang pulis.
Ayon kay House Minority Leader Danilo Suarez, hinihintay na lamang nila ang isang valid complaint laban kay garin upang ma-imbestigahan ito ng Kamara.
Sa ilalim aniya ng patakaran ng Kamara, ang sinumang indibidwal na na-agrabyado ng isang kongresista ay maaring maghain ng ethics complaint sa secretary general na siya namang magre-refer sa rules committee.
Matatandaang si Garin at ang kaniyang ama na si Iloilo Mayor Oscar Garin ay napabalitang nambugbog ng isang pulis sa lalawigan ng Iloilo noong Martes.
