Nasawi ang isang 21-anyos na estudyante matapos umanong sumailalim sa hazing sa Zamboanga City.
Kinilala naman ang biktima na si Joselito Envidiado, na agad na idineklarang dead-on-arrival sa ospital dahil sa mga tinamo nitong matinding pasa at pinsala sa katawan.
Batay sa report ng pulisya, sumailalim sa initiation rites ang biktima kasama ang iba pang recruit na Tau Gamma Phi fraternity, trigusu chapter sa Cubol residence sa Donia Martha Drive Brgy. San Jose Gusu ng Zamboanga City.
Naisumbong naman ng mga kaanak ng biktima ang ginawang hazing dahilan para makaresponde agad ang mga pulis.
Nadakip naman ng mga otoridad ang labing dalawang miyembro ng Tau Gamma Phi na umanoy nasa likod ng hazing.
Narekober din ng mga ito ang paddle na ginamit sa initiation rites.
