Usaping pangkalusugan ang nakikita ng kampo ni Senador Juan Ponce Enrile kaya’y nakakuha ito ng paborableng desisyon mula sa Korte Suprema.
Ito ang inihayag ng abogado ni Enrile na si Atty. Eleazar Reyes dahil na rin sa may edad na ang Senador kaya ito pinayagang makapagpiyansa ng High Tribunal.
Sinabi pa ni Reyes, pinagsumite sila ng lahat ng health records ng Senador kabilang na ang resulta ng mga naging pagsusuri sa kaniya sa panahon ng kaniyang pagkakapiit.
Dahil dito, naniniwala si Reyes na ang edad ni JPE ang siyang nakapagpakumbinse sa mga mahistrado ng SC na payagan makalaya pansamantala ang Senador.
By Jaymark Dagala | Jill Resontoc (Patrol 7)
