Pinasalamatan ni Pangulong Rodrigo Duterte ang hari ng Bahrain na si King Hamad bin Isa Al Khalifa.
Ito ay matapos na bigyan ng royal pardon ang 16 na Pilipino sa pagtatapos ng pagdiriwang ng Eid’l Fitr.
Ayon kay Pangulong Duterte, ang pagbibigay ng royal pardon sa mga kababayang Pilipino ay nagpapatunay na matibay ang ugnayan ng Pilipinas at Bahrain, maging ang kanyang pakikipagkaibigan kay King Hamad bin Isa Al Khalifa.
Samantala, nangangako naman ang pangulo sa Bahrain na patuloy syang makikipag-ugnayan upang mas mapalalim pa ang bilateral ties ng dalawang bansa.
