Nagpaabot na ng pagbati si Pangulong Rodrigo Duterte sa mahigit 2,000 examinees na nakapasa sa Certified Public Accountant (CPA) licensure examination.
Ayon kay Presidential Spokesman Salvador Panelo, labis ding ikinatuwa ng pangulo ang pagkakapasa ng anak ng kaniyang longtime aide na si Senador Christopher ‘Bong’ Go.
Nasa ikatlong pwesto ang anak ni Go na si Christian Lawrence Go matapos nitong makakuha ng score na 89.50.
Gayunman, nasa 14% o katumbas lamang ng 2,075 ang bilang ng nakapasa mula sa 14,000 kumuha ng pagsusulit.
