Posibleng pakana lamang ng mga tumututol sa pag-pasá ng Anti-terror bill ang mga naglipanang pekeng accounts sa Facebook.
Ayon kay Sen. Panfilo ‘Ping’ Lacson, maaring ‘scare tactics’ lamang ng mga kumukontra sa anti-terror bill ang mga nagsulputang pekeng Facebook (FB) account para magpakalat ng takot at maling impormasyon sa publiko.
Aniya, posibleng bahagi ito ng disinformation campaign lalo na’t mainit ang panawagan na ibasura ang nasabing panukalang batas.
Sinabi ni Lacson, walang katotohanan na mauuwi sa pag-aresto ang aktibismo sa ilalim ng naturang panukala, dahil target nito na sugpuin ang terorismo hindi ang karapatang pantao.
