“Himas rehas ka ngayon”.
Ilan lamang ito sa mga bantang natatanggap ng mga estudyante, kritiko at ilan pang mga indibidwal matapos na magsulputan ang mga dummy account sa facebook.
Kaugnay ito ng mga ulat na ilang netizens ang nagkaroon ng dummy o fake account sa social media kung saan ginagamit ang kanilang pangalan para sa mga facebook accounts.
Dahil dito, ipinag-utos na ng Department of Justice (DOJ) ang imbestigasyon sa mga naturang insidente dahil na rin sa biglaan at kahina-hinalang pagsusulputan ng mga fake accounts.
Kaugnay nito, iimbestigahin na rin naman ng pamunuan ng facebook ang naturang pangyayari at nangakong agad na aalisin ang mga naglipanang fake accounts.
